ఈఎంఐ ని చెల్లించలేకపోతున్నారా? అయితే మీ కోసమే ఈ 2 ఆప్షన్స్!

• Follow

ప్రస్తుతం చాలా ఇళ్లు లాంగ్ టర్మ్ లోన్ అంటే హోమ్ లోన్ సాయంతో కొనుగోలు చేస్తున్నారు. హోమ్ లోన్ అనేది
పెద్ద లోన్. జీతంలో ఎక్కువ భాగం దాని ఈఎంఐ చెల్లించడానికే సరిపోతుంది. లాంగ్ టర్మ్ లో భారీ మొత్తం
కారణంగా, చాలా సార్లు ప్రజలు రుణాన్ని తిరిగి చెల్లించడంలో ఇబ్బందులు ఎదుర్కొంటారు… ఈ పరిస్థితిలో, గృహ
రుణగ్రహీతకు రెండు ఆప్షన్లు ఉన్నాయి. హోమ్ లోన్ రీఫైనాన్సింగ్, హోమ్ లోన్ రీస్ట్రక్చరింగ్. వాటిని ఉపయోగించే
ముందు వాటి గురించి అర్థం చేసుకోవడం చాలా ముఖ్యం.

లోన్ రీఫైనాన్సింగ్‌లో, ఇప్పటికే ఉన్న గృహ రుణం.. కొత్త గృహ రుణంతో భర్తీ అవుతుంది. అంటే, పాత రుణాన్ని
తిరిగి చెల్లించడానికి కొత్త రుణం తీసుకోవడం. ప్రస్తుత రుణం కంటే కొత్త రుణం నిబంధనలు, షరతులు మెరుగ్గా
ఉన్నప్పుడు రీఫైనాన్సింగ్ ను ఉపయోగిస్తారు. కొత్త రుణం ఇప్పటికే ఉన్న రుణాన్ని తిరిగి చెల్లిస్తుంది, కొత్త లోన్ కు
సంబంధించిన ఈఎంఐలను తిరిగి చెల్లిస్తుంది. దీనినే హోమ్ లోన్ బ్యాలెన్స్ ట్రాన్స్ ఫర్ అని కూడా అంటారు.

కొత్త రుణం కోసం ప్రాసెసింగ్ ఫీజు చెల్లించాలి. ఇది సాధారణంగా లోన్ మొత్తంలో కొంత నిర్ణీత శాతంగా
ఉంటుంది. బ్యాంకులు కూడా కనీస, గరిష్ట మొత్తాన్ని ప్రాసెసింగ్ ఫీజుగా వసూలు చేస్తాయి. ఉదాహరణకు, SBI
0.35 శాతం, HDFC బ్యాంక్ 0.50 శాతం వరకు లేదా రూ. 3000.. ఏది ఎక్కువ అయితే అది. బ్యాంక్ ఆఫ్
బరోడా 0.40 శాతం వరకు లేదా గరిష్టంగా రూ. 15,000… ICICI బ్యాంక్ 0.50 నుండి 2 శాతం లేదా రూ.
3000, ఏది ఎక్కువైతే అది… ప్రాసెసింగ్ ఫీజులో పైన 18% GST కూడా ఉంటుంది.

గృహ రుణాన్ని ఒక బ్యాంకు నుండి మరొక బ్యాంకుకు బదిలీ చేసేటప్పుడు, వివిధ అంశాలను జాగ్రత్తగా
పరిశీలించాలి. కొన్ని ముఖ్యమైన అంశాలు…
మొదట- మీరు రుణం తీసుకున్నప్పుడు… వడ్డీ రేట్లు ఎక్కువగా ఉండవచ్చు. తరువాత వడ్డీ రేట్లు తగ్గి ఉండొచ్చు.
అటువంటి పరిస్థితిలో మీరు మరొక బ్యాంకుతో మాట్లాడి రుణాన్ని రీఫైనాన్స్ చేసుకోవచ్చు. బ్యాంకు ప్రస్తుత రేట్లను
దృష్టిలో ఉంచుకుని, మీకు తక్కువ ధరను ఆఫర్ చేయవచ్చు. ఇది మీ EMIని తగ్గిస్తుంది.

రెండవది- గృహ రుణం తీసుకుంటున్నప్పుడు, క్రెడిట్ స్కోర్ బాగాలేకుపోతే, అంటే 700-750 కంటే ఎక్కువ
ఉంటే, అప్పుడు బ్యాంకులు అధిక వడ్డీ రేట్లను వసూలు చేస్తాయి. రుణం తీసుకున్న తర్వాత సకాలంలో చెల్లింపులు
చేయడం ద్వారా క్రెడిట్ స్కోర్ మెరుగుపడితే, అప్పుడు రుణాన్ని రీఫైనాన్స్ చేయండి. ఇతర బ్యాంకులు మీ మంచి
క్రెడిట్ స్కోర్‌ను పరిగణనలోకి తీసుకుని తక్కువ వడ్డీ రేట్లకు రుణాలు ఇవ్వవచ్చు.

మూడవది – అధిక EMI మొత్తం కారణంగా మీరు సమస్యను ఎదుర్కొంటున్నట్లయితే, మీరు తక్కువ వడ్డీ రేట్లు లేదా
ఎక్కువ కాల వ్యవధిని అందిస్తున్న ఇతర బ్యాంకులకు లోన్ ను ట్రాన్స్ ఫర్ చేయవచ్చు.

గృహ రుణాన్ని బదిలీ చేయడానికి ముందు, ఎంత కాలపరిమితి మిగిలి ఉందో చెక్ చేయండి. కొన్ని సంవత్సరాల
క్రితం లోన్ స్టార్ట్ అయి.. వడ్డీ రేటు ఎక్కువగా ఉంటే… లోన్ ను ట్రాన్స్ ఫర్ చేయడం మంచిది.ఎందుకంటే
ప్రారంభంలో EMI ఎక్కువగా ఉంటుంది. అందులో ఎక్కువ భాగం వడ్డీకి వెళుతుంది. లోన్ ట్రాన్స్ ఫర్ పై వడ్డీ
రేటులో చిన్న తగ్గింపు.. మొత్తంగా చాలా వడ్డీని ఆదా చేస్తుంది. మీరు లోన్ ముగియడానికి కొన్ని సంవత్సరాలు
ముందు రీఫైనాన్సింగ్‌ చేస్తే దాని వల్ల పెద్దగా ప్రయోజనం ఉండదు. లోన్ రీఫైనాన్సింగ్ తరువాత.. ఇప్పుడు లోన్ రీ
స్ట్రక్చరింగ్ గురించి చూద్దాం.

లోన్ రీస్ట్రక్చరింగ్ అంటే ప్రస్తుతం ఉన్న లోన్ నిబంధనలను మార్చడం. కస్టమర్ సౌలభ్యం కోసం బ్యాంకులు వాటిని
మారుస్తాయి. దీనివల్ల అతను అసలు మొత్తం, లోన్ పై వడ్డీ రెండింటినీ తిరిగి చెల్లించగలడు. దీంతో లోన్ డిఫాల్ట్‌ను
కు అడ్డుకట్ట వేయవచ్చు. లోన్ తీసుకునే సమయంలో మీ ఆర్థిక పరిస్థితి బాగానే ఉంది. మీరు సకాలంలో EMIలు
చెల్లిస్తున్నారు. ఇప్పుడు మీరు ఆకస్మికంగా ఉద్యోగం కోల్పోవడం, జీతం తగ్గడం, వ్యాపారంలో నష్టం లేదా
మరేదైనా కారణాల వల్ల EMIలు చెల్లించలేకపోతే, బ్యాంకు తో మాట్లాడండి. మీ లోన్‌ని రీస్ట్రక్చర్ చేసుకోండి.

హోమ్ లోన్ రీస్ట్రక్చరింగ్ ను వివిధ మార్గాల్లో చేయవచ్చు. ఇందులో లోన్ EMIని తగ్గించడం, లోన్ తిరిగి చెల్లించే
కాలవ్యవధిని పెంచడం, వాయిదాల సంఖ్యను మార్చడం, వడ్డీ రేటు లేదా మారటోరియం సర్దుబాటు చేయడం,
అంటే ఈఎంఐని తాత్కాలికంగా నిలిపివేయడం వంటివి ఉంటాయి. ఇది బ్యాంకు విచక్షణపై ఆధారపడి ఉంటుంది.

హోమ్ లోన్ రీస్ట్రక్చరింగ్ అనేది చివరి ఆప్షన్ అని గుర్తుంచుకోండి. మీరు ప్రస్తుత నిబంధనలతో రుణాన్ని తిరిగి
చెల్లించే స్థితిలో లేనప్పుడు దీన్ని ఎంచుకోవాలి. హోమ్ లోన్ రీస్ట్రక్చరింగ్ ఉద్దేశం ఆపదలో ఉన్న రుణగ్రహీతకు
కొంత ఉపశమనం కలిగించడమే. అయినప్పటికీ, హోమ్ లోన్ రీస్ట్రక్చరింగ్ ను కోరడం మీ క్రెడిట్ స్కోర్‌పై ప్రతికూల
ప్రభావాన్ని చూపుతుంది.