ఇన్సూరెన్స్ కంపెనీలు NFOలు ఎందుకు తీసుకువస్తాయి? వాటిలో ఇన్వెస్ట్ చేయవచ్చా?

• Follow

అనికా.. తన కొలీగ్ రవిని మీరు చాలా ఇన్వెస్ట్మెంట్స్ చేస్తూ ఉంటారు కదా.. ఇన్సూరెన్స్ కంపెనీలు కూడా కొత్త ఫండ్ ఆఫర్ తీసుకువస్తాయా? అని అడిగింది అంటే ఏమిటి నీ డౌట్ అని అడిగాడు రవి. అదే.. మ్యూచువల్ ఫండ్స్ NFO అంటే న్యూ ఫండ్ ఆఫర్ తీసుకువచ్చినట్టు ఇన్సూరెన్స్ కంపెనీలు కూడా అలాంటివి ఏవైనా తీసుకువస్తాయా? అని ప్రశ్నించింది. దానికి రవి అవును, ఇన్సూరెన్స్ కంపెనీల NFOలు వాటి ULIP ప్లాన్స్ కి లింక్ అయిఉంటాయి అని చెప్పాడు. అంటే.. సరిగ్గా అర్ధం కాలేదు.. అంది అనిక. అదే ఇన్సూరెన్స్ కంపెనీలు తెచ్చే NFOలు యూనిట్ లింక్డ్ ఇన్సూరెన్స్ ప్లాన్స్ (ULIP)లో పెట్టుబడి పెట్టే వారి కోసం తీసుకువస్తారు అని చెప్పాడు. ఓహో.. అయితే వీటిలో పెట్టుబడి పెటడం అంటే కంపెనీకి చెందిన ULIPని కొనాల్సి ఉంటుందా? అలాంటప్పుడు ఇన్సూరెన్స్ కంపెనీ NFOలో పెట్టుబడి పెట్టవచ్చా? అని ప్రశ్నించింది.

అనికా లాగా, కొత్త ఫండ్ ఆఫర్ అంటే NFO గురించి మీ మనసులో కూడా చాలా ప్రశ్నలు తలెత్తవచ్చు… బీమా కంపెనీలు NFOని ఎందుకు తీసుకువస్తాయి? బీమా కంపెనీ NFOలో పెట్టుబడి పెట్టాలా లేదా? ఇలాంటి అనేక ప్రశ్నలు తలెత్తుతాయి… ఏదైనా పెట్టుబడి పెట్టే ముందు మీరు మీ డబ్బు ఎక్కడ పెట్టుబడి పెడుతున్నారు? అలాగే, దానిపై మీకు ఎంత రాబడి వస్తుందో తెలుసుకోవాలి… కాబట్టి ముందుగా బీమా కంపెనీ అందించేది NFO గురించి అర్థం చేసుకోండి. వారు ఏ పథకం తీసుకువస్తున్నారు? అనేది పరిశీలించండి.

బీమా కంపెనీలు తమ వ్యాపారాన్ని విస్తరించుకునేందుకు ఎన్‌ఎఫ్‌ఓలను తీసుకువస్తాయి. ఈ NFOలు నిర్దిష్ట ఫండ్ లేదా సెక్టార్‌పై ఆధారపడి ఉంటాయి. వాస్తవానికి, ఈ పథకంలో పెట్టుబడి పెట్టినప్పుడు, పెట్టుబడిదారులు బీమా కంపెనీ ULIPని కొంతున్నట్టు అర్ధం. . వారికి పెట్టుబడితో పాటు లైఫ్ ఇన్సూరెన్స్ కూడా లభిస్తుంది. ఇన్వెస్ట్‌మెంట్ సమయంలో ఇన్సూరెన్స్ కవర్ మొత్తం నిర్ణయిస్తారు. బీమా కవర్ మొత్తాన్ని తీసివేసిన తర్వాత, మిగిలిన మొత్తం పథకంలో ఇన్వెస్ట్ చేస్తారు. ULIPలు 10 లేదా 15 సంవత్సరాల వంటి లాంగ్ టర్మ్ ప్లాన్స్. 5 సంవత్సరాల లాక్-ఇన్ తర్వాత మాత్రమే వీటి నుంచి డబ్బును విత్‌డ్రా చేసుకునే అవకాశం ఉంటుంది.

మ్యూచువల్ ఫండ్స్ లాగా, బీమా కంపెనీ NFO యూనిట్ ప్రారంభ విలువ 10 రూపాయలు. దీనిని నికర ఆస్తి విలువ లేదా NAV అంటారు. కంపెనీలు ఎన్‌ఎఫ్‌ఓలతో లింక్ అయిన యులిప్‌లో పెట్టుబడి పెట్టమని పెట్టుబడిదారులను అడుగుతాయి. ఎందుకంటే ఎన్‌ఎఫ్‌ఓ యూనిట్‌కు 10 రూపాయల తక్కువ ధరకు లభిస్తుంది. అయితే ఎన్‌ఎఫ్‌ఓ లిస్ట్ అయిన తర్వాత, మార్కెట్‌ను బట్టి NAV హెచ్చుతగ్గులకు లోనవుతుందని గుర్తుంచుకోండి. కొత్త యులిప్ ప్రస్తుతం ఉన్న వాటి కంటే చౌకగా కనిపిస్తుంది ఎందుకంటే ఇది 10 రూపాయలకు అందుబాటులో ఉంది.

ఇన్సూరెన్స్ కంపెనీలు NFOలను తీసుకురావడంలో ముఖ్య ఉద్దేశ్యం అధిక-అభివృద్ధి రంగాలలో పెట్టుబడి పెట్టడం ద్వారా మెరుగైన రాబడిని అందించడం. దాదాపు గత ఒకటిన్నర సంవత్సరాలుగా, బీమా కంపెనీలు ULIPల NFOల ద్వారా డబ్బును సేకరిస్తున్నాయి. ఉదా. ICICI ప్రుడెన్షియల్ సిగ్నేచర్ యులిప్‌లో మిడ్‌క్యాప్ హైబ్రిడ్ గ్రోత్ ఫండ్ ఉంది. బజాజ్ అలైన్జ్ లైఫ్ స్మార్ట్ వెల్త్ గోల్ యులిప్‌తో ఫ్లెక్సీ క్యాప్ ఫండ్‌ని తీసుకువచ్చింది. టాటా AIA మూడు NFOలను తీసుకువచ్చింది. అవి ఎమర్జింగ్ ఆపర్చునిటీ ఫండ్, స్మాల్ క్యాప్ డిస్కవరీ ఫండ్ – డైనమిక్ అడ్వాంటేజ్ ఫండ్. ఇటీవల, మాక్స్ లైఫ్ నిఫ్టీ స్మాల్‌క్యాప్ క్వాలిటీ ఇండెక్స్ ఫండ్‌ను ప్రారంభించింది.

మీరు యులిప్‌ని కొనుగోలు చేసినప్పుడు, మీరు బీమా పాలసీని కొనుగోలు చేయడంతో పాటు పెట్టుబడి పెడుతున్నారు. కానీ, మీరు రెండింటికీ చెల్లించాలి. మీరు బీమా రక్షణ కోసం మోర్టాలిటీ ఛార్జీలను చెల్లిస్తారు. లైఫ్ కవర్ అందించడం కోసం కంపెనీలు మీ నుంచి దీన్ని రికవరీ చేస్తాయి, ఇది వయస్సుతో పాటు పెరుగుతుంది. దీనికి అదనంగా, మీరు ఫండ్‌లో పెట్టుబడి పెట్టడానికి ఫండ్ మేనేజ్‌మెంట్ ఛార్జీలను చెల్లిస్తారు, ఇందులో ఖర్చు నిష్పత్తి కూడా ఉంటుంది. అంతే కాదు, మీరు చెల్లించాల్సిన మరో రెండు రకాల ఫీజులు ఉన్నాయి. మొదటిది పాలసీ అడ్మినిస్ట్రేషన్ ఛార్జీ అదేవిధంగా రెండవది ప్రీమియం కేటాయింపు ఛార్జీ.

ఆదాయపు పన్ను చట్టంలోని సెక్షన్ 80C కింద, ULIPలలో 1.5 లక్షల రూపాయల వరకు వార్షిక పెట్టుబడిపై పన్ను మినహాయింపు లభిస్తుంది. అయితే, బీమా కవర్‌లో పెట్టుబడి మొత్తం 10% వరకు ఉంటే మాత్రమే ఈ ప్రయోజనం అందుబాటులో ఉంటుంది. ప్రీమియం ఇంత కంటే ఎక్కువ ఉంటే, పన్ను ప్రయోజనం ఉండదు. ఉదాహరణకు, మీరు ఇన్సూరెన్స్ కంపెనీకి చెందిన NFOలో 1 లక్ష రూపాయలు పెట్టుబడి పెట్టినట్లయితే, బీమా కవరేజీ కనీసం 10 లక్షల రూపాయలు ఉండాలి. యులిప్‌లో వార్షిక పెట్టుబడి 2.5 లక్షల రూపాయల వరకు ఉంటే మాత్రమే మెచ్యూరిటీ మొత్తం పన్ను రహితంగా ఉంటుంది.

ఇన్సూరెన్స్ కంపెనీ ఎన్‌ఎఫ్‌ఓ – మ్యూచువల్ ఫండ్ కంపెనీ మధ్య తేడా ఏమిటో తెలుసుకుందాం… ఇన్సూరెన్స్ కంపెనీల ఎన్‌ఎఫ్‌ఓలో లైఫ్ కవర్ ప్రయోజనం ఉంటుందని పర్సనల్ ఫైనాన్స్ ఎక్స్‌పర్ట్ జితేంద్ర సోలంకి చెప్పారు. పెట్టుబడిదారులకు రాబడితో పాటు పన్ను ప్రయోజనం కూడా లభిస్తుంది. కానీ, మ్యూచువల్ ఫండ్ల NFOలో మాత్రమే రాబడి అందుబాటులో ఉంటుంది. ఈ విషయంలో, ULIPలకు లింక్ చేయబడిన NFOలు మెరుగ్గా కనిపిస్తున్నాయి. లైఫ్ కవర్ ప్రయోజనం ఉచితంగా అందుబాటులో లేదు. దాని కోసం కంపెనీ వసూలు చేస్తుంది అని జితేంద్ర సోలంకి వివరించారు.

కాబట్టి, మీ మొత్తం డబ్బు ఇన్వెస్ట్మెంట్ కి వెళ్ళదు. ఇక్కడ ఇన్వెస్ట్మెంట్ – ఇన్సూరెన్స్ కలగలిసి ఉంటాయి. ఇది ఏ విధంగానూ మంచిది కాదు.దీనికంటే టర్మ్ ఇన్సూరెన్స్ చాలా మంచిది. మన దగ్గర ఉన్న డబ్బుతో మన అవసరాలకు తగిన ఇన్సూరెన్స్ పాలసీ కొనవచ్చు. ఆ తరువాత మిగిలిన డబ్బులను నేరుగా మ్యూచువల్ ఫండ్స్‌లో పెట్టుబడి పెట్టవచ్చు.

అనికా లాగా మీరు కూడా బీమా కంపెనీల NFOలో పెట్టుబడి పెట్టాలని ఆలోచిస్తున్నారా? అయితే, అప్పుడు, మీరు 10 లేదా 15 సంవత్సరాల పాటు ULIPతో టైఅప్ చేయడానికి సిద్ధంగా ఉన్నట్లయితే మాత్రమే మీరు పెట్టుబడి పెట్టాలి. మొత్తం మీద, NFO అనేది ULIPలను విక్రయించడానికి ఒక జిమ్మిక్కు. ఏదైనా మ్యూచువల్ ఫండ్ NFO యూనిట్ ధర 10 రూపాయలు మాత్రమే కావడమే ఇన్సూరెన్స్ కంపెనీలు NFOలు తీసుకువస్తాయి. ఎప్పుడైనా సరే మీ అవసరాలకు అనుగుణంగా మీరు మీ డబ్బును పెట్టుబడి పెట్టాలి. అలాగే పెట్టుబడి పెట్టె ముందు ఆర్ధిక సలహాదారుని సలహాలు తప్పనిసరిగా తీసుకోవాలి.