పుష్ సెల్లింగ్ నష్టం ఏమిటి? ఎలా తప్పించుకోవాలి?

• Follow

అభినవ్ ఈ ఫార్మసీ యాప్ లో మందులు ఆర్డర్ చేశాడు. వెంటనే ఈ ఫార్మసీ యాప్ నుంచి అతనికి కాల్ వచ్చింది. అతను ఆర్డర్ చేసిన డ్రగ్స్.. పేషెంట్ వివరాలను వారు వెరిఫై చేసుకున్నారు. తరువాత ఆ ఫోన్ చేసిన వారు కొన్ని ఆయుర్వేద మందులను అభినవ్ కి సూచించారు. అది విన్న అభినవ్.. ఇదంతా నాకు ఎందుకు చెబుతున్నారు అని అడిగాడు. డయాబెటిక్ పేషెంట్స్ కోసం ఈ ఆయుర్వేద మందులు రికమండ్ చేస్తామని కాల్ చేసిన వారు చెప్పారు. దీంతో అభినవ్ కు విసుగు వచ్చింది. మీరు డాక్టరా? అని అడిగాడు. అంతేకాకుండా ఈ మందుల ఉపయోగాలకు సంబంధించిన డేటా ఏదైనా మీదగ్గర ఉందా అని ప్రశ్నించాడు. ఆటను మెడిసిన్ సేఫ్టీ పై గ్యారెంటీ ఇస్తారా అంటూ గట్టిగా మాట్లాడాడు. తరువాత కాల్ కట్ చేశాడు.

అభినవ్ కి హెర్బల్ మెడిసిన్ కోసం మాత్రమె కాల్ వచ్చింది. కానీ మనలో అందరికీ ప్రతిరోజూ రెండు నుంఛి నాలుగు కాల్స్ వస్తున్నాయి. కొన్నిసార్లు మేదిసిన్స్, కొన్నిసార్లు లోన్, కొన్నిసార్లు క్రెడిట్ కార్డు, కొన్నిసార్లు ప్రయాణ ప్యాకేజీ ఇలా ఎదో ఒకదానికి సంబంధించి కాల్స్ వస్తూనే ఉంటాయి. ఒక ఉత్పత్తిని కొనుగోలు చేయాలనే ఒత్తిడి మనపై మనకు తెలీకుండానే పడుతోంది. దీనినే పుష్ సెల్లింగ్ అంటారు. మీకు ఆ ప్రోడక్ట్ అవసరం ఉన్నా లేకపోయినా షాపింగ్ చేయమని మిమ్మల్ని ప్రోత్సహిస్తున్నారు. ఈ ‘రెడ్ అలర్ట్’ ఎపిసోడ్‌లో, పుష్ సెల్లింగ్ ఎలా పని చేస్తుందో.. మీకు షాపింగ్ చేయడం ఎందుకు హానికరమో తెలుసుకుందాం.

VO: పుష్ సెల్లింగ్ ఎలా పని చేస్తుంది? అనే విషయాన్ని పరిశీలిద్దాం.

పుష్ సెల్లింగ్‌లో, మీకు అవసరమైన వాటిని ఎవరూ విక్రయించరు. కానీ, మీకు అవసరం లేని ప్రోడక్ట్స్ ను మాత్రం మీకు అంటగట్టే ప్రయత్నం చేస్తారు. ప్రోడక్ట్ గురించి.. దాని ప్రయోజనాల గురించి మీకు ఎన్నో అతిశయోక్తులు చెబుతారు. ఆ తరువాత ఆఫర్ ఇస్తున్నమని అంటారు. డిస్కౌంట్, కూపన్ కోడ్, చౌక లోన్, యాడ్ సర్వీస్ వంటి ఆఫర్‌లుచెబుతారు. పుష్ సెల్లింగ్ లేదా పుష్ మార్కెటింగ్ అనేది ఒక ప్రచార వ్యూహం, దీని కోసం కంపెనీలు ఏజెంట్లు, రిటైలర్‌లు అలాగే ఇ-కామర్స్ పోర్టల్‌లతో టైఅప్ చేసి, వస్తువులను సేల్ చేయడానికి వారికి ప్రోత్సాహకాలను అందిస్తాయి. ఎలాంటి ప్రకటనలు లేకుండా ఉత్పత్తిని విక్రయిస్తారు.

అభినవ్ హెర్బల్ ప్రొడక్ట్స్ ను కొనుగోలు చేసేందుకు నిరాకరించాడు. అదేవిధంగా, మీరు కూడా తెలివిగా ఆలోచించాలి. అయితే అందరూ అభినవ్ లాగా తెలివిగా ఆలోచిస్తారని చెప్పలేము. పుష్ సెల్లింగ్ ఉచ్చులో ప్రజలు చిక్కుకుంటున్నారు. వారు అవసరం లేని వస్తువులను కొనుగోలు చేస్తారు. అటువంటి ప్రొడక్ట్స్ నాణ్యతకు సంబంధించి కంపెనీలకు సమాచారం లేదు.

ఇప్పుడు పుష్ సెల్లింగ్ అలాగే మిస్ సెల్లింగ్ మధ్య తేడా ఏమిటో చూద్దాం..

కస్టమర్లకు కొత్త ప్రొడక్ట్స్ అమ్మడానికి కంపెనీలు పుష్ సెల్లింగ్‌ను ఆశ్రయిస్తాయి. షాపింగ్ ఒత్తిడి మిస్ సెల్లింగ్‌కు ప్రధాన కారణం అవుతుంది. దూకుడు అమ్మకాల పిచ్‌లో, ప్రోడక్ట్ తరచుగా చాలా ఎక్కువగా ప్రదర్శిస్తారు. తద్వారా కస్టమర్ తప్పు వస్తువును కొనుగోలు చేయడంలో తప్పుదారి పట్టిస్తారు. పుష్ సెల్లింగ్ అలాగే మిస్సెల్లింగ్ మధ్య చాలా చిన్న తేడా ఉంటుంది.

చాలా ఇబ్బందికరమైన కాల్‌లు, టెక్స్ట్ మెసేజెస్ రిజిస్టర్ కాని టెలిమార్కెటర్లు లేదా UTMల నుంచి వస్తాయి. ఈ రిజిస్టర్ కాని టెలిమార్కెటర్లు పర్సనల్ మొబైల్ నంబర్ల నుంచి కాల్ చేస్తారు. ఈ ఫోన్ నెంబర్లను నిరోధించడం దాదాపు అసాధ్యం. పరిశ్రమల అంచనాల ప్రకారం, దాదాపు 2.50 లక్షల మంది రిజిస్టర్డ్ టెలిమార్కెటర్లు ఉండగా, రిజిస్టర్ కాని టెలిమార్కెటర్ల సంఖ్య దాని కంటే రెట్టింపు. గత సంవత్సరం లోకల్ సర్కిల్స్ చేసిన సర్వే ప్రకారం, 66% మంది ప్రజలు ప్రతిరోజూ మూడు లేదా అంతకంటే ఎక్కువ ఇబ్బందికరమైన లేదా స్పామ్ కాల్‌లను స్వీకరిస్తున్నారని చెప్పారు. ఇబ్బందికరమైన కాలర్‌లను నిరోధించడంలో సహాయపడుతుందని చెప్పిన DND ఫీచర్ అంటే డూ-నాట్-డిస్టర్బ్ ఫీచర్ ఉన్నప్పటికీ ఇది జరుగుతోంది. DND ఫీచర్‌ని ఉపయోగించిన వారిలో 95% మంది తమ కాల్స్ ఆగలేదని చెప్పారు. దేశంలో, ఫైనాన్స్ రియల్ ఎస్టేట్, ప్రొడక్ట్స్ కి సంబంధించిన స్పామ్ కాల్‌లు అత్యధికంగా వస్తుంటాయని ఈ సర్వే వెల్లడించింది. స్పామ్ కాల్స్‌లో 51% ఫైనాన్షియల్ ప్రొడక్ట్స్ ఉన్నాయి. అయితే, అలాంటి కాల్స్‌లో 29% రియల్ ఎస్టేట్ ఎకౌంట్స్ ఉంటున్నాయి.

పుష్ సెల్లింగ్ అనేది ఒక ప్రసిద్ధ సెల్లింగ్ స్ట్రాటజీ అని చెప్పవచ్చు. అందులో తప్పేమీ లేదు. చాలా కంపెనీలు తమ వస్తువులను విక్రయించడానికి దీనిని ఉపయోగిస్తాయి. కానీ తప్పు ఏమిటంటే, డబ్బు సంపాదించడానికి పుష్ సెల్లింగ్ ద్వారా తమకు అవసరం లేని వస్తువులను కొనుగోలు చేయమని కంపెనీలు వినియోగదారులను ఒత్తిడి చేస్తాయి. కొనుగోలు చేసిన వస్తువు మీ అవసరాలకు అనుగుణంగా లేకుంటే లేదా వాగ్దానాలకు అనుగుణంగా లేకుంటే, మీరు దాని గురించి ఏమీ చేయలేరు. మీరు ప్రభుత్వ పోర్టల్‌లో ఫిర్యాదు చేస్తారు కానీ ఫాలో-అప్ గురించి ఎటువంటి హామీ లేదు. అమ్మడం కంపెనీల పని. కానీ మీ పని ఆ సేల్స్ పిచ్‌ల ద్వారా దూరంగా ఉండకూడదు. ఇ-కామర్స్ సైట్‌లలో టెలిమార్కెటర్ కాల్‌లు లేదా తప్పుదారి పట్టించే ప్రకటనల ఉచ్చులో పడకుండా షాపింగ్ చేయవద్దు. ఏదైనా వస్తువును కొనడం లేదా కొనకపోవడం మీ ఇష్టం, మరొకరిది కాదు. కాబట్టి షాపింగ్ చేసేటప్పుడు మెలకువగా ఉండండి.