మ్యూచువల్ ఫండ్స్ లో ఎలా పెట్టుబడి పెడితే అధిక లాభాలు వస్తాయో తెలుసా?

• Follow

గత కొన్ని రోజులుగా స్టాక్ మార్కెట్ ఎన్నో ఒడిదొడుకులకు లోనైంది. వరంగల్ నివాసి శ్రీరామ్ మ్యూచువల్ ఫండ్‌లో పెట్టుబడి పెట్టాలనుకున్నాడు కానీ మార్కెట్ హెచ్చుతగ్గుల వల్ల దాని గురించి కచ్చితంగా ఓ అంచనాకు రాలేకపోయాడు. మరి అతడు ఇన్వెస్ట్ చేయాలనుకుంటే ఎలాంటి మ్యూచువల్ ఫండ్‌లో పెట్టుబడి పెట్టాలి ?

భౌగోళిక రాజకీయ ఒడిదొడుకుల వల్ల, స్టాక్ మార్కెట్లు చాలా అస్థిరంగా ఉన్నాయి. లార్జ్ క్యాప్ కంపెనీలతో పోలిస్తే మిడ్ క్యాప్, స్మాల్ క్యాప్ రంగాలు తీవ్ర ఒత్తిడిని ఎదుర్కొంటున్నాయని మార్కెట్ నిపుణులు అభిప్రాయపడుతున్నారు.

JM ఫైనాన్షియల్ మ్యూచువల్ ఫండ్ చీఫ్ ఈక్విటీ ఇన్వెస్ట్‌మెంట్ ఆఫీసర్ సతీష్ రామనాథన్ మాట్లాడుతూ, విదేశీ పోర్ట్‌ఫోలియో ఇన్వెస్టర్లు ఇటీవల ఈక్విటీలను విక్రయించడం వల్ల లార్జ్ క్యాప్ ఫండ్‌ల విలువలు తగ్గాయి. అయితే, రిటైల్ ఇన్వెస్టర్లు మిడ్ , స్మాల్ క్యాప్ స్టాక్‌లను చురుకుగా కొనుగోలు చేస్తున్నారు. భారతదేశంలోని బ్లూ చిప్ కంపెనీలలో పెట్టుబడి పెట్టాలని చూస్తున్న పెట్టుబడిదారులకు మేము ఈ తక్కువ లార్జ్ క్యాప్ వాల్యుయేషన్‌లను మంచి అవకాశంగా భావిస్తాం. ప్రస్తుత మార్కెట్ పరిస్థితులను బట్టి లార్జ్ క్యాప్, ఫ్లెక్సి క్యాప్ మ్యూచువల్ ఫండ్స్ లో ఇన్వెస్ట్ చేయడం మంచిదని చెప్పారు.

మార్కెట్ లో కొనసాగుతున్నఅస్థిరత కారణంగా, నిపుణులు ఫ్లెక్సి క్యాప్ ఫండ్స్ , పెద్ద మ్యూచువల్ ఫండ్లలో పెట్టుబడి పెట్టాలని సిఫార్సు చేస్తున్నారు. ఇంతకీ ఈ నిధులు గురించి మీకు తెలుసా? అవేంటో ఓసారి చూద్దాం.

ఫ్లెక్సీ క్యాప్ ఫండ్స్ ఒక రకమైన ఈక్విటీ మ్యూచువల్ ఫండ్స్. మార్కెట్ రెగ్యులేటర్ సెబీ ప్రకారం, ఫ్లెక్సిబుల్ ఫండ్స్ మేనేజర్లు తమ మొత్తం ఆస్తుల్లో కనీసం 65 శాతాన్ని లార్జ్ క్యాప్, స్మాల్ క్యాప్ , మిడ్ క్యాప్ వంటి వివిధ మార్కెట్ క్యాపిటలైజేషన్‌ల స్టాక్‌లలో పెట్టుబడి పెట్టాలి. అయితే, ఫండ్ మేనేజర్లు 65% పరిమితికి లోబడి ఏదైనా మార్కెట్ క్యాపిటలైజేషన్ స్టాక్‌లో పెట్టుబడి పెట్టడానికి వాళ్లకు పూర్తి స్వాతంత్ర్యం ఉంటుంది.

ఉదాహరణకు, అప్‌ట్రెండ్ యొక్క పూర్తి ప్రయోజనాన్ని పొందడానికి , మెరుగైన రాబడిని సాధించడానికి ఫండ్ మేనేజర్‌లు కేటాయింపులను ఒక మార్కెట్ క్యాప్ నుండి మరొక మార్కెట్‌కి త్వరగా మార్చవచ్చు. ఫ్లెక్సిక్యాప్ ఫండ్‌లు మీడియం నుండి అధిక రిస్క్ కలిగి ఉన్న, కనీసం ఐదు సంవత్సరాల పెట్టుబడి ఉన్న పెట్టుబడిదారులకు అనుకూలంగా ఉంటాయి.

ఒకవేళ లార్జ్ క్యాప్ ఫండ్స్ గురించి చెప్పుకోవాల్సి వస్తే… వాళ్ల ఆస్తుల్లో కనీసం 80 శాతం మొత్తాన్ని లార్జ్ క్యాప్ కంపెనీల్లోని షేర్లు లేదా సెక్యూరిటీల్లో కచ్చితంగా పెట్టుబడిగా పెట్టాలని సెబీ తప్పనిసరి చేసింది.

మార్కెట్ క్యాపిటలైజేషన్ పరంగా టాప్ 100లో ఉన్న కంపెనీల షేర్లను లార్జ్ క్యాప్ స్టాక్స్ అంటారు. స్మాల్‌క్యాప్ మరియు మిడ్‌క్యాప్ కంపెనీలతో పోలిస్తే లార్జ్ క్యాప్ కంపెనీలు చాలా పెద్దవి. అందుకే ఇలాంటివాటిలో పెట్టుబడి పెట్టడం చాలా తక్కువ రిస్క్ అనే చెప్పాలి.

మీరు కొనుగోలు చేసిన సంవత్సరంలో మీ మ్యూచువల్ ఫండ్ షేర్లను రిడీమ్ చేస్తే, మీరు మీ రాబడిపై 15% పన్ను చెల్లించాలి. అయితే, మీరు ఒక సంవత్సరం తర్వాత మీ షేర్లను రీడీమ్ చేస్తే, మీరు మీ రాబడిపై 10% దీర్ఘకాలిక మూలధన లాభాల పన్ను చెల్లించాలి. ఇక్కడ గుర్తుంచుకోవాల్సింది ఏంటంటే.. ఆర్థిక సంవత్సరంలో, రూ. దీర్ఘకాలిక మూలధన లాభాలు రూ. 1 లక్ష లోపున్న మొత్తంపై ఎలాంటి పన్నూ ఉండదు.

లార్జ్ క్యాప్ మరియు ఫ్లెక్సిబుల్ క్యాప్ ఫండ్‌లు రాబడుల పరంగా ఎలా పనిచేశాయో చూద్దాం. ఏస్ మ్యూచువల్ ఫండ్స్ డేటా ప్రకారం, నవంబర్ 20, 2023 నాటికి, ఫ్లెక్సీ క్యాప్ ఫండ్‌లు ఒక ఏడాది వ్యవధిలో 17% రాబడిని , 3 ఏళ్ల వ్యవధిలో 19% రాబడిని, 5-సంవత్సరాల కాలంలో 15% సగటు రాబడిని ఇచ్చాయి.

మరోవైపు, లార్జ్ క్యాప్ ఫండ్‌లు 1 సంవత్సరంలో 12% రాబడిని, 3 సంవత్సరాలలో 16% రాబడిని , 5 సంవత్సరాలలో 13% సగటు రాబడిని అందించాయి.

పెట్టుబడిదారులు ఇతర సారూప్య మ్యూచువల్ ఫండ్‌లు , బెంచ్‌మార్క్ ఇండెక్స్‌ను అధిగమించే లార్జ్ క్యాప్ ఫండ్లలో పెట్టుబడి పెట్టడానికి ప్రయత్నించాలి.

దీర్ఘకాలంలో చూస్తే, వడ్డీ ప్రభావం వల్ల ఫ్లెక్సీ క్యాప్‌తో కూడిన ఫండ్‌లు ప్రయోజనకరంగా ఉంటాయి. పెట్టుబడి కాలం ఎక్కువుగా ఉంటే.. మీరు అధిక రాబడిని సాధించే అవకాశం ఉంది. మ్యూచువల్ ఫండ్స్‌లో పెట్టుబడి, దాని ఫలితాలు.. మార్కెట్ రిస్కుకు లోబడి ఉంటాయి. అందుకే శ్రీరామ్ వంటి పెట్టుబడిదారులు నిర్ణయం తీసుకునే ముందుగా ఆర్థిక సలహాదారుడిని సంప్రదించాలి.