మీకు వచ్చిన బోనస్‌ను మ్యూచువల్‌ ఫండ్‌లో ఇన్వెస్ట్‌ చేయవచ్చా?

చాలా మంది ప్రభుత్వ , ప్రైవేట్ రంగ ఉద్యోగులు దీపావళి రోజున బోనస్‌లు , ఇతర వన్-టైమ్ చెల్లింపులను అందుకుంటారు. వారిలో శ్రీనివాస్‌ ఒకరు. ఇతను రూ. 30,000 వేరియబుల్ చెల్లింపును అందుకున్నాడు. శ్రీనివాస్‌ ఈ డబ్బు ఖర్చు కాకుండా పెట్టుబడి పెట్టాలని నిర్ణయించుకున్నాడు. అయితే, ముఖ్యంగా మ్యూచువల్ ఫండ్స్‌లో ఏ ఫండ్స్‌లో ఇన్వెస్ట్ చేయాలో అతనికి తెలియదు. మీరు కూడా మీ బోనస్‌ను శ్రీనివాస్‌లాగా మ్యూచువల్ ఫండ్‌లో పెట్టుబడి పెట్టాలనుకుంటే ఇక్కడ కొన్ని విషయాలను తెలుసుకోవడం చాలా ముఖ్యం. మీరు మీ బోనస్‌ను పెట్టుబడి పెట్టాలనుకుంటే పరిగణించవలసిన రెండు విషయాలు ఉన్నాయి. మొదట మీ లక్ష్యాలు స్వల్పకాలికమైనా? లేదా దీర్ఘకాలికమైనా? రెండవది, మీరు ఎంత రిస్క్ తీసుకోవాలనుకుంటున్నారు. ఉదాహరణకు మీరు భవిష్యత్తులో కారు కొనాలని లేదా హాలిడే ట్రిప్‌కు వెళ్లాలని భావిస్తున్నారని అనుకుందాం.. మీరు డెట్ మ్యూచువల్ ఫండ్లలో పెట్టుబడి పెట్టవచ్చు.

ఇటువంటి సందర్భాల్లో, నిపుణులు సాధారణంగా లిక్విడ్ మ్యూచువల్ ఫండ్స్, షార్ట్-టర్మ్ ఫండ్స్ , కార్పొరేట్ బాండ్ ఫండ్స్‌లో పెట్టుబడి పెట్టాలని సిఫార్సు చేస్తారు. రాబడుల గురించి చెప్పాలంటే, స్వల్పకాలిక ఫండ్‌లు ఒక సంవత్సరంలో 6.3%, మూడేళ్లలో 4.7%, ఐదేళ్లలో 6.1% రాబడినిచ్చాయి. లిక్విడ్ ఫండ్స్ రాబడి ఒక సంవత్సరం తర్వాత 6.8%, మూడేళ్ల తర్వాత 4.8% , ఐదేళ్ల తర్వాత 5%. డైనమిక్ బాండ్ ఫండ్స్ ఒక సంవత్సరంలో 6.2%, మూడేళ్లలో 4.3%, ఐదేళ్లలో 6.4% రాబడినిచ్చాయి.

మీ ఇన్వెస్ట్‌మెంట్ దీర్ఘకాలికంగా ఉంటే, మీరు ఈక్విటీ లేదా హైబ్రిడ్ మ్యూచువల్ ఫండ్స్‌లో పెట్టుబడి పెట్టడం ద్వారా మంచి రాబడిని పొందవచ్చు. ఉదాహరణకు, మీరు సిస్టమాటిక్ ఇన్వెస్ట్‌మెంట్ ప్లాన్ (SIP) ద్వారా ప్రతి నెలా రూ. 5,000 ఈక్విటీ ఫండ్‌లో ఇన్వెస్ట్ చేసి, 12% సగటు వార్షిక రాబడిని పొందినట్లయితే, మీరు దాదాపు రూ. 3,00,000 రూపాయల తీసుకుంటారు. ఫ్లెక్సిబుల్ క్యాప్ ఫండ్స్ ,హైబ్రిడ్ మ్యూచువల్ ఫండ్స్ వంటి ఈక్విటీ ఫండ్లలో పెట్టుబడి పెట్టాలని నిపుణులు సిఫార్సు చేస్తున్నారు. ఈ ఫండ్స్‌లో పెట్టుబడులు కనీసం మూడు సంవత్సరాల మెచ్యూరిటీని కలిగి ఉండాలి.

మీరు ఒకసారి పెట్టుబడి పెట్టాలనుకుంటే మీరు ఈక్విటీ కేటగిరీలోని ఫ్లెక్సిక్యాప్ ఫండ్లలో పెట్టుబడి పెట్టడాన్ని పరిగణించాలని Sathish Ramanathan, CIO-Equity at JM Financial Mutual Fund సూచిస్తున్నారు. ఇది మార్కెట్‌లోని వివిధ రంగాలు, మూలధనాల నుండి ప్రయోజనం పొందేందుకు మిమ్మల్ని అనుమతిస్తుంది. తమ రిస్క్‌ను తగ్గించుకోవాలనుకునే పెట్టుబడిదారులు హైబ్రిడ్ మ్యూచువల్ ఫండ్లలో పెట్టుబడి పెట్టవచ్చు.

ఈక్విటీ , హైబ్రిడ్ మ్యూచువల్ ఫండ్లలో పెట్టుబడి పెట్టడం వల్ల వచ్చే రాబడిని ఇప్పుడు అర్థం చేసుకుందాం. లార్జ్ క్యాప్ ఈక్విటీ ఫండ్స్ ఒక సంవత్సరంలో 12.6%, మూడేళ్లలో 17% , ఐదేళ్లలో 14% రాబడిని ఇచ్చాయి. ఫ్లెక్సీ క్యాప్ ఫండ్‌లు ఒక సంవత్సరంలో 16.4%, మూడేళ్లలో 18.8% , ఐదేళ్లలో 15.2% రాబడిని ఇచ్చాయి. అదే సమయంలో అగ్రెసివ్ హైబ్రిడ్ ఫండ్‌లు ఒక సంవత్సరంలో 14.2%, మూడేళ్లలో 16.2% , ఐదేళ్లలో 13% రాబడిని ఇచ్చాయి.

ఆర్థిక నిపుణుల అభిప్రాయం ప్రకారం, మీ బోనస్‌ను పెట్టుబడి పెట్టడానికి మరొక మార్గం తక్కువ-రిస్క్ ఇండెక్స్ ఫండ్‌లో పెట్టుబడి పెట్టడం. ప్యూర్ ఈక్విటీ ఫండ్స్‌లో ఇన్వెస్ట్ చేయడానికి సంకోచించే ఎవరైనా ఇక్కడ పెట్టుబడి పెట్టవచ్చు. ఇప్పుడు మీరు మీ బోనస్ మొత్తాన్ని ఎక్కడ పెట్టుబడి పెట్టాలనుకుంటున్నారో మీకు స్పష్టమైన ఆలోచన ఉంది. కానీ మీరు అలా చేయడానికి ముందు, మీరు మీ రిస్క్ ను అర్థం చేసుకోవాలి. ఫండ్‌లో పెట్టుబడి పెట్టే ముందు, ఫండ్ ఖర్చు నిష్పత్తి ,ఛార్జీలుఎంత ఉందో చూడండి. ఫండ్ , ఫండ్ మేనేజర్ ట్రాక్ రికార్డ్‌ను చూడండి.