మీ శాలరీలో ఫ్లెక్సీ కాంపోనెంట్స్ గురించి తెలుసుకోండి

• Follow

కొత్త సంస్థలో చేరారా? లేక ఇప్పుడే ఇంక్రిమెంట్ అందుకున్నారా? సరే, మీ జీతం నిర్మాణంలో మీరు తరచుగా విస్మరించే ఫ్లెక్సీ కాంపోనెంట్‌లన్నింటినీ సరిగ్గా ఉపయోగించుకునే సమయం వచ్చేసింది. ఎందుకంటే ఇవి మీ పన్ను బాధ్యతను తగ్గించడంలో మీకు సహాయపడతాయి. అది ఎలా? డీకోడ్ చేద్దాం రండి..

ప్రతి కంపెనీ తమ ఉద్యోగుల జీతాన్ని వారి CTC లేదా కంపెనీకి అయ్యే ఖర్చు ఆధారంగా లెక్కిస్తుంది. ఒక ఆర్థిక సంవత్సరంలో కంపెనీ మీ కోసం వెచ్చించే మొత్తం ఇది. CTCలో పన్నులను ఆదా చేయడంలో మీకు సహాయపడే అనేక భాగాలు ఉన్నాయి. ఎలాగో చూద్దాం

ప్రతి జీతం పొందే వ్యక్తికి, CTC 3 భాగాలుగా విభజించి ఉంటుంది. మొదటిది స్థిరమైన భాగం, రెండవది రీయింబర్స్‌మెంట్‌లు లేదా ఫ్లెక్సీ భాగాలు అలాగే మూడవది ఇతర భాగాలు. స్థిర భాగాలు సాధారణంగా ప్రాథమిక జీతం, HRA, స్పెషల్ ఎలోవెన్స్.. బేసిక్ సాలరీ అంటే ప్రాథమిక జీతం CTCలో 40-50% వరకు ఉంటుంది. ప్రత్యేక అలవెన్సులు పూర్తిగా పన్ను పరిధిలోకి వస్తాయి, ప్రాథమిక జీతంలో 50% వరకు ఉండే HRA, పన్ను మినహాయింపులను క్లెయిమ్ చేయడానికి ఉపయోగించవచ్చు. ఇంటి అద్దె భత్యం (HRA) క్లెయిమ్ చేయడానికి, కంపెనీ మీకు HRA చెల్లిస్తోంది. మీరు ఇంటి అద్దె చెల్లిస్తున్నారు. మినహాయింపు గణన మూడు విషయాలపై ఆధారపడి ఉంటుంది:

1. అందుకున్న HRA మొత్తం
2. మెట్రో నగరాల్లో, ప్రాథమిక జీతం + 50% DA. మెట్రోయేతర నగరాల్లో, ప్రాథమిక జీతం + 40% DA
3. చెల్లించిన వాస్తవ అద్దెకు సమానమైన మొత్తం-(ప్రాథమిక జీతం+ డీఏలో 10%)

పన్ను మినహాయింపు కనీసం మూదిటిపై లెక్కిస్తారు

ఉద్యోగి పన్ను పరిధిలోకి వచ్చే ఆదాయాన్ని తగ్గించడానికి, యజమాని అతని/ఆమె జీతంకి అనేక భాగాలను జోడిస్తారు, వీటిని ఫ్లెక్సీ భాగాలు లేదా రీయింబర్స్‌మెంట్ అంటారు.

ఉద్యోగ సమయంలో, కంపెనీ తన ఉద్యోగులకు సోడెక్సో కూపన్‌ల వంటి ప్రీపెయిడ్ ఫుడ్ వోచర్‌లను అందిస్తుంది. మరో మాటలో చెప్పాలంటే, కంపెనీ ఫుడ్ అలవెన్స్ ఇస్తుంది. దీని కింద ఉద్యోగులు ఒక సారి తిన్నందుకు రూ. 50, రోజుకు రెండుసార్లు తింటే రూ. 100 పొందుతారు. కాబట్టి, ఒక ఉద్యోగి నెలలో 22 రోజులు పని చేస్తే, వారు నెలకు రూ. 2,200 అలాగే సంవత్సరానికి రూ. 26,400 అందుకుంటారు, ఇది పన్ను రహితంగా ఉంటుంది. అదే విధంగా, ఉద్యోగులు ఇంటర్నెట్, ఫోన్, పుస్తకాలు, వార్తాపత్రికలు, మ్యాగజైన్‌లు, కారు లీజు – నిర్వహణ, లీవ్ ట్రావెల్ అలవెన్స్, హెల్త్ క్లబ్ ఖర్చులు – డ్రైవర్ జీతం మొదలైన వాటికి సంబంధించిన ఖర్చులను రీయింబర్స్ చేసే అవకాశం ఉంది. ఉద్యోగి వారి HR పోర్టల్‌ని సందర్శించడం ద్వారా ఈ ఎంపికను ఎంచుకోవచ్చు.

ప్రశ్న 1: ఉద్యోగులు కారు లీజింగ్‌ను ఎంచుకోవడం ద్వారా పన్నులను ఎలా ఆదా చేయవచ్చు? చూద్దాం..

ఇప్పుడు, రీయింబర్స్‌మెంట్ మోడల్ ఎలా పనిచేస్తుందో అర్థం చేసుకుందాం. ఒకదానిని క్లెయిమ్ చేయడానికి, మీరు మీ కంపెనీకి బిల్లుల వంటి ఆ వ్యయానికి సంబంధించిన పత్రాలను సమర్పించాలి. జీతంలో పేర్కొన్న విధంగా, ఖర్చు వాస్తవ విలువ లేదా ఈ హెడ్‌కి కేటాయించిన విలువ,  ఏది తక్కువ అయితే దానిపై పన్ను ఆదా అవుతుంది. జీతం నుంచి రీయింబర్స్‌మెంట్ మొత్తంతీసివేస్తారు. ఇది దానంత అదే ఆదాయాన్ని తగ్గిస్తుంది. అందువల్ల దానిపై చెల్లించాల్సిన పన్ను తగ్గుతుంది.

దీన్ని ఒక ఉదాహరణ ద్వారా అర్థం చేసుకుందాం. అలోక్ సంవత్సరానికి రూ. 10,00,000 సంపాదిస్తున్నారని అనుకుందాం. ఫుడ్ కూపన్ల కోసం రూ.26,400, డ్రైవర్ జీతం కోసం రూ.1,20,000, వాహన నిర్వహణ లేదా ఇంధన ఖర్చుల కోసం రూ.32,400, హెల్త్ క్లబ్ రీయింబర్స్‌మెంట్‌గా రూ.24,000, ఇంటర్నెట్ రీయింబర్స్‌మెంట్‌గా రూ.18,000లను కంపెనీ కేటాయిస్తుంది. అతను ఈ ఫ్లెక్సీ భాగాలన్నింటినీ ఎంచుకుంటే, అది రూ. 2,20,800 అవుతుంది. దీనిద్వారా అతని ఆదాయం రూ. 7,79,200కి తగ్గుతుంది.

బ్యాంక్ బజార్‌లోని టాక్స్ కాలిక్యులేటర్ ప్రకారం, అలోక్ సెక్షన్ 80సి కింద రూ. 1,50,000 తగ్గింపులను క్లెయిమ్ చేస్తే, అందులో ఇపిఎఫ్‌కి అతని కంట్రిబ్యూషన్ కూడా ఉంటుంది. అతని మొత్తం పన్ను పరిధిలోకి వచ్చే ఆదాయం రూ.6,31,000కి తగ్గుతుంది. అతను రీయింబర్స్‌మెంట్‌ను ఎంచుకోకపోతే, పన్ను చెల్లించదగిన మొత్తం జీతం రూ. 8,50,000గా ఉంటుంది. రూ. 50,000 స్టాండర్డ్ డిడక్షన్ క్లెయిమ్ చేసిన తర్వాత, అలోక్ రూ. 30,000 పన్నులు చెల్లించాల్సి ఉంటుంది. అయితే, అతను ఫ్లెక్సీ బెనిఫిట్‌లను చేర్చకపోతే, అతను పన్నుల రూపంలో రూ.75,400 చెల్లించాల్సి ఉంటుంది. మొత్తం మీద రూ.45,000 ఎక్కువ పన్నులు చెల్లించాల్సి వస్తుంది. ఇతర భాగాలలో EPF, NPS, గ్రాట్యుటీ, బీమా ప్రీమియం – వేరియబుల్ పే ఉన్నాయి. EPF, NPS – బీమా ప్రీమియంలకు సంబంధించిన విరాళాలు పన్ను రహితం అయితే, వేరియబుల్ పేగా స్వీకరించిన మొత్తం పన్నులకు లోబడి ఉంటుంది.

ఒకవేళ, అలోక్ లాగా, మీకు ఫ్లెక్సీ బెనిఫిట్‌లను తీసుకునే అవకాశం ఉంటే, వెంటనే అలా చేయండి. రాతపని లేదా చేతికి అందే జీతం తగ్గుతుందనే భయంతో చాలా మంది ఈ ప్రయోజనాలను ఎంచుకోరు. ఇది సరైనది కాదు, ఎందుకంటే మీరు బిల్లులను జోడించి, రీయింబర్స్‌మెంట్‌ను క్లెయిమ్ చేస్తే, మీరు ఈ డబ్బును తిరిగి పొందుతారు. పైగా వాటిపై ఎలాంటి పన్ను విధించరు. మీరు ఫ్లెక్సీ కాంపోనెంట్‌లను ఎంచుకోకపోతే, ఈ కాంపోనెంట్‌లన్నింటికీ పన్ను విధిస్తారు. కానీ గుర్తుంచుకోండి, అన్ని కంపెనీలకు వేర్వేరు సాలరీ స్ట్రక్చర్స్ ఉంటాయి. మీ కంపెనీ మీకు ఆప్షన్ ఇస్తే మాత్రమే మీరు ఫ్లెక్సీ ప్రయోజనాలను పొందగలరు. మరిన్ని వివరాల కోసం మీరు మీ కంపెనీ HRని సంప్రదించవచ్చు.